منتدى لبيــــــــــــــــــه ياقلـــــــبي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى لبيــــــــــــــــــه ياقلـــــــبي

عز الورود.. وطال فيك أوام ........وأرقت وحدي..والأنام نيام يامنتدى لــــبيه
 
الرئيسيةأحدث الصورالتسجيلدخول

 

 أحلى صدفة بحياتي((رواية سعودية))..

اذهب الى الأسفل 
5 مشترك
انتقل الى الصفحة : الصفحة السابقة  1, 2, 3, 4, 5, 6, 7, 8
كاتب الموضوعرسالة
فوفو الدلوعه
عضو ممتاز
عضو ممتاز
فوفو الدلوعه



أحلى صدفة بحياتي((رواية سعودية)).. - صفحة 8 Empty
مُساهمةموضوع: رد: أحلى صدفة بحياتي((رواية سعودية))..   أحلى صدفة بحياتي((رواية سعودية)).. - صفحة 8 Icon_minitimeالأحد أبريل 12, 2009 8:05 am

الجـــــــــــــــزء الـــواحــــد والأربعـــــــــــون..{والأخيــــر}
""الفصــــــــــــــــــــل الثـــــــــــــــــــــاني""

بعــــــــــــــــــــد ثـــــــــــلاث سنيـــــــــن..
اجازة الصيف بدت ما صار لها اسبوع..والكل مجتمع في بيت ابو ماجد..
الكل جالس في الصاله...البنات في الصاله الاولى..والحريم في الصاله الثانيه ..وكلها مفتوحه على بعض...
رغد: رويم متى نسبتك..
ريم: تكفين فكيني منها...ولا تضيقين صدري...
العنود: يله بسرعه...تعالي معي في الجامعه والله فله..
ريم: مثل ايام الثانوي لما كنا مع بعض..
العنود: واحلى..ولا كلنا قسم واحد ادارة اعمال عشان نكون في نفس المباني..وبنطلع ولا احلى...
عبيروهي تلبس بنتها ريوف سندلها: كان نسمع بأنيهار في الجامعه والسبه انتي وياها..
فجر بكرشتها تصارخ: جنااااااا..يامال الوجع ان شا الله تعالي اغسلك..كم مره قايله لك لا تاكلين شوكلاته شوفي وسختي نفسك..
جنا اللي عمرها 3 سنين: ما ما..انا اسفه..
فجر: وين اخوك سبيدر مان..
جنا: ريان يلعب برا..
لين كبرت وتغيرت مره واكيد احلوت: فجر هاتيها بروح اغسلها عنك..
فجر: تسلمين يا قلبي
نوف جالسه بكرشها الصغير: بنات تتوقعون بأجيب بنت ولا ولد..
مها متزوجه من واحد يقرب لها من بعيد بس ما حملت: انا ودي بصراحه بنت وتطلع تشبه امها..
شجون لسه متزوجه واحد من ربع فيصل في الاجازه اللي بين الفصلين: وانا بعد ابيها بنت..
رغد: وين بنتي رهف..؟
ريم: المدلعه رهيف شايفتها تناقز...""تنطط""......هناك..
العنود: رغد بصراحه انتي مدلعه بنتك بزياده..
رغد: بنتي قلبي اكيد بدلعها..
جات رهف من ورى ريم وتعلقت في رقبتها: حاله حاله سيليني..."خاله خاله شيليني"
ريم: بعدي عني لا ارفسك هناك..
رهف: حالتي انا احبك..
ريم لفت عليها: وانا احبك بس وانتي بعيده..وانتي امسكيها عني"ورمتها على رغد"
رغد: بشويش على بنتي تراها رقيقه..
العنود: اكيد ..مين امها ومين عمتها ..
جات الهنوف وولدها فارس: وش فيها عمتها وش تحشون فيني..
رغد: يقولون بنتي رقيقه على عمتها..
الهنوف: اكيد..ولا بعد مرت ولدي فارس اكيد بتصير رقيقه..
ريم: حضانه كل وحده جايه ومعها توابعها..
العنود: تصدقين راسي صدع تقولين في ملاهي...
عبير: بسم الله علينا...


الحريم يطالعون بناتهم..
ام مشاري: ما شالله بناتنا كبروا وصاروا امهات..
ام فيصل: والمشكله صرنا عجايز..
ام ماجد: الله يتمم علينا فرحتنا..
ام سليمان: وتبقى لنا ايامينا هذي..ولا ننحرم منها..
ام فواز: امين...
بدور: وتنعاد علينا كل سنه..
الكل: امين...
وبينما الكل يسولف وصراخ وازعاج وضحك وهواش...
سمعوا صوت الصاله ينفتح...يمكن في البدايه ما اهتموا للشخص...فتح الباب..دخل انصدم ما توقع ان البيت بالشكل هذا مليان..
دخل وسكر الباب..طالع جهة الحريم..الحريم ما تغيروا..حس انه تركهم فتره طويله..طالع جهة البنات لاحظ ان البزارين مالين المكان..وبينما هو يطالع..حس ان في شي تعلق برجله..حط شنطة السفر على جنب..كان لابس بدله رسميه..قميص ابيض فيه ربطة عنق سوداء..وعليها جاكيت اسود فخم..وبنطلون اسود..طالع تحت حصلها بنت صغيره..مثل القمر...
رهف: بابا..سيليني..
طالع ملامحها..ملامحها ماهي غريبه عليه..العيون العسليه هذي يعرفها...الشعر المايل للشقار يعرفه..الشفايف الصغار كمان يعرفها..البنت هذي تذكره بوحده او نسخه منها...تذكره بحب تقريبا نساه..وقدر يتعداه..نزل وطبع بوسه على خدها...
قامت عبير بتروح المطبخ...شافت رجال واقف عند بابهم ويبوس بنوته..
عبيرطاح اللي كان بيدها : وليــــــــــد..
الكل سمع الكلمه وما استوعب...الكل لف للجهه اللي تطالعها عبير....
وليد بصوت واثق: احم...السلام عليكم..
ام ماجد كان في ايدها فنجان قهوه طاح منها": ولدي وليد..
وراحت له ركض...
العنود وقفت تبي تستوعب..ما حست بنفسها الا رايحه لجهته لا ارادي..
ام ماجد وهي تضم ولدها وبأقوى حيلها والدموع تنهمر على خدها: ليه يمه رحت وتركتني ليه...
وليد يبوس راس امه وايدها وضمها ولكن فيه نوع من الجمود: هلا يمه وشلونك عساك بخير..
ام ماجد: انا بشوفتك بخير يمه...
عبير وهي تبكي: وليد الحمد لله على السلامه...
ورمت نفسها في حضنه بعد ما بعدت امها...
وليد وهو يطبطب عليها: االله يسلمك..وشلونك وشلون عيالك..
عبير: انا زعلانه منك ما حضرت زواجي ولا عيالي شافوك...
وليد بنص ابتسامه: وهذا انا جيت..
العنود وهي تبكي: خلاص عاد وخري...
وليد اشتاق لهم بس كل هذا ما بين..
العنود ضمت وليد: الحمد لله على سلامتك يا الغالي..اشتقت لك يا الغثه..
وليد: الله يسلمك...."وبعدين رجع يطالع البنت"...من هذ بنته الاموره..
عبير وقف لسانها ما تقدر تقولها...ام ماجد ما ودها تخسر ولدها من جديد..العنود اكيد عاجزه عن نطق الاسم..
رهف بكل ببرائه: انا بنت امي رغد...انت مين؟؟
وليد مع انه حاس انها بنتها...بس حس بكهرباء بجسمه لما سمع اسمها..ولا من لسان بنتها..
الثلاثه كانت متقلبه وجيهم..
ام ماجد تغير الموضوع: وليد تعال يمه سلم على عمتك وخلاتك..
وليد اللي وجه طغى عليه الجمود اكثر: ان شالله..
سلم على الحريم ببرود وجمود..مثل ما تعود..عايش حياته بدون ملامح..كل شي ما يأثر فيه لاحزن..لا فرح...لا حب..لا كره..ولا شي ممكن يحرك الجمود هذا..
بعدها جلس شوي وقبل لا يطلع جاوا البنات بيسلمون عليه..
ريم تصافحه: الحمد لله على سلامتك يا ولدعمي..
وليد: الله يسلمك..
نوف: تو ما نورت الرياض..
وليد: منوره بأهلها..
فجر: الحمد لله على سلامتك..وسلم على جنا وريان...
وليد: الله يسلمك.."وبوس عيالها"
عبير: ريوف تعالي سلمي على عمو..
وليد سلم عليها وباسها..
شجون: الحمد لله على سلامتك يا وليد..
وليد: الله يسلمك..
الهنوف: الحمد لله على سلامتك..وهذا فارس ولد مشاري..
وليد: هلا بالشيخ .."وباسه"
مها: الحمد لله على سلامتك..
وليد: الله يسلمك...."رفع عينه على اللي بعدها واخر وحده"
رغد وهي مرتبكه وبصوت مبحوح: الحمد لله على سلامتك يا ولد عمي...
وليد ببرود: الله يسلمك...
رغد طالعت في عينه...تدور شي مفقود فيها..اول كان في عيونه لمعه لما كان يطالعها..كان فيها بسمه فيها حب...دورتها ما حصلتها..اكتشفت وعرفت انها خلاص صارت من الماضي عند وليد..
جات رهف وتعلقت برجل ريم: حاله حاله..
ريم: اقول انقلعي عن وجهي احسن لك..رغيد وخري بنتك عني...
رغد راحت لها: بشويش عليها...
رهف بتبكي رواحت عند شخص مفروض ما تروح له: بابا..بابا..."وتهزه"
وليد وقف شعر راسه من هالكلمه...جد مفروض تنقال له الكلمه هذي..مفروض البنت هذي تكون بنته من رغد...مفروض رغد زوجته..حاول يبعد ها الافكار من راسه..خلاص هو تعدى كل هذا..شال رهف وحطها على رجلها..
وليد بحنان: عيون بابا...
رغد وجهها تلون بكل لون...بلعت ريقها..ما تخليت هالموقف بيحصل لها...راحت تدارك الموضوع..
رغد: رهوفه قلبي تعالي عند ماما..
رهف تعلقت برقبه وليد: لا انا ابي بابا...
رغد من بين اسنانها: رهوف تعالي هذا مو بابا...
رهف تطالع وليد بكل برائه وتطالع عيونه: بس هذا مثل بابا..
وليد تغيرت ملامحه للعصبيه...
العنود حست انها لو ما تنقذ الموقف يمكن يحصل كارثه..راحت وشالت رهف بالقوه وودتها لرغد..
العنود: تكفين فكينا من المشاكل...
رغد اخذت بنتها اللي تبكي واختفت عن الانظار..
قام وليد من مكانه: انا بروح عند الر جال....باالاذن...
طلع واخذ نفس استعداد لمواجهة الكل...من تركي لمشاري للعيال...
دخل مع باب الخيمه: الســــــلام عليكم..
كانت الخيمه مليانه اصوات ضحك وسوالف,..وفجأه عم السكون على المكان للحظات...
وليد يطالعهم..هم نفسهم ما تغيروا...
فز ابو ماجد: وليد!!!...الحمد لله على السلامه....متى جيت؟؟؟
راح وليد وباس راس ابوه وحضنه بس..بدون هذيك المشاعر الجياشه...
ابو ماجد ودموعه تجمعت: الحمد لله على سلامتك....الحمد لله..
وسلموا عليه الرجال...
لف على جهة العيال...وعلى طول طار له ماجد..
ماجد يحضن اخوه بحراره: اشتقت لك يا اخوي....اشتقت لسندي...الحمد لله على سلامتك..
وليد: الله يسلمك..
فواز: هلا هلا بالشيخ"وضمه" الحمد لله عالسلامه..
وليد: الله يسلمك...
طلال: انا زعلان منك ما حضرت عرس اختك وولد عمتك...
وليد: صدقني ارحم لك..لاني ما راح اوفق...
طلال: اجل اشوا انك ما حضرت...
فيصل: هلا والله بالوليد...تو ما نورت الرياض..
وليد: منوره بأهلها...
سليمان: هلا بأخوي الوليد..
وليد: هلا فيك..."وبعدين طالع مشاري"...يعني ما ودك تسلم...
مشاري ابتسم: هلا والله بولد عمي...
وليد:هلا فيك يا ولد العم...
مشعل كبر وتغير واكيد صار احلى واحلى:هلا والله بالوليد الحمد لها على سلامتك..
وليد: هلاااااا مشيعل والله صرت طويل..
محمد: هلا هلا وليد الحمد لله على سلامتك يا الغالي..
وليد: هلا فيك وحتى انت صرت طويل وعريض والله وكبرتوا...
جاء تركي بيضم وليد....وليد صده ومد ايده: الله يسلمك..
تركي انقهر: ابرك..
العيال كلهم تجمدوا من حركة وليد..توقعوا ان خلاص نسى اللي راح وبترجع المياه الى مجاريها بس شكل الحرب توها تبدى....
وليد بأحتقار: ما انزل نفس اكثر من كذا....زين سلمت عليك..
تركي والدم تجمع الدم بوجهه ووده يضربه...بس اللي ماسكه انه في بيتهم : اصلا لك الشرف اذا سلمت عليك...بس انت مانت بكفو لا حشيمه ولا كرامه...
وليد جلس على الكنب وحط رجل على رجل وطنش تركي: عيال اجلسوا..تعالوا سولفوا وش صار من رحت...
جلسوا العيال وقعدوا يسولفون..بس ما بلعوا حركة وليد..

تركي ما طول على طول طلع...وبعد ربع ساعه لحقه سليمان...
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&& &&&&&&&&
الرجوع الى أعلى الصفحة اذهب الى الأسفل
فوفو الدلوعه
عضو ممتاز
عضو ممتاز
فوفو الدلوعه



أحلى صدفة بحياتي((رواية سعودية)).. - صفحة 8 Empty
مُساهمةموضوع: رد: أحلى صدفة بحياتي((رواية سعودية))..   أحلى صدفة بحياتي((رواية سعودية)).. - صفحة 8 Icon_minitimeالأحد أبريل 12, 2009 8:07 am

&&&&&&&&
في اخر السهره....
فجر رابطه راسها من الصداع: والله هالبزارين هبلوا فيني...
ريم: واحد قال لك صيري قطوه وكل سنه واحد...
فجر: واللي يرحم والديك اسكتي...ليه هو بيكفي..فيصل يقول يبي يكثر نسله...
العنود: على حسابك يا الغبيه...
عبير: متى بتولدين...؟
فجر: والله ما ادري...بس قريب وتسمعون برائد طلع للدنيا...
نوف: الله يسهل على الجميع....
رغد: عاد انتي بسم الله عليك اللي يشوفك بالشهر الا ول مو السادس...
نوف: نواف يقول اشك انك حامل وان هذا كرش...لانه ما كبر...
البنات ماتوا ضحك...
العنود: مافي مثل عبير يومها حامل...والله توقعت بتجيب دب مو طفل...
عبير: انقعلي بس...تصدقين عاد..طلال دايما يهزئني اذا قربت منه..يقول ابعدي في بينا حواجز...
ريم: احسن تستاهلين..
رغد: مافي مثلي بسم الله علي حل وسط....
العنود: مسكينه...اللي يشوفك..يقول كرشها اكبر منها..
رغد: مسكينه هذي انتي...
شجون: وش تتوقعون كرشتي...
فجر: اتوقع ولاده على طول بدون حمل...
والكل فقع ضحك..
مها: وانا؟؟
العنود: انتي بتولدين واحد والثاني مجانا ههههههههههه..
والكل مات ضحك...
رغد: خلاص خلاص بطني....ترى بولد عليكم الحين...
ريم: عاد الدكتوره ريم بتولدك..
العنود: كان الولد هج ورجع كرشة امه ارحم له...
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&& &&&&&&&&
بعد اسبوع على الاحداث....
ام ماجد: وليد يمه..الى متى وانت على هالحال..
وليد: وش فيني؟؟؟
ام ماجد: ابيك تتزوج واشوف عيالك....
وليد: انتي خلصي موضوع ماجد بعدين انا...
ام ماجد: ماجد خالص ما بقى الا العرس...وانت خلني ادور لك بنت الحلال..
وليد مل من هالسالفه كل يوم امه تفاتحه بالموضوع: خلاص سوي اللي تبينه يمه...
ام ماجد: ابشر بالبنت اللي تقول للقمر ابعد وتجلس مكانه...
وليد: هذي باربي مو بنت..
ام ماجد: وتشوف وتقول امي ما قالت...
وليد: نشوف..
وطلع من البيت...
وليد: صدق ليش ما اتزوج واعيش حياتي...على الاقل في احد يهتم فيني..ومو لازم حب وخرابيط...
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&& &&&&&&&&
بعد شهر......بكره زواج ريم وسليمان...زواج الحب العظيم...والعشق الكبير...
ريم مبسوطه: بكره انا وسلوم مع بعض ماني مصدقه...
رغد: بسم الله عليك..انا اتذكر يوم زواجي طقتني ام اركب انتافض وانتي ما شالله عليك..ترقصين وتستهبلين...
ريم: خايفه ومتوتره...بس بدون مبالغه يعني عادي...
رغد: الله يتمم عليك..
اتصلت العنود..
العنود: هلا ببنت عمي اللي بكره بتتزوج وتخليني...
ريم: عنوده تكفين لا تضيقين صدري...
العنود: لا والله مبسوطه لك..وبعدين بكره بفلها مع العجايز بدونك...
ريم خنقتها العبره: والله كانت ايام حلوه...
العنود: تصدقين العجايز حفظوني من كثر الزوجات وعرفوا اني نصابه...بس بكره بدور غيرهم من اهل سليمان..
ريم: خلي حمولتي على جنب..
العنود: سليمان وقلنا معليش..حتى اهله ما نتكلم فيهم..
ريم: هذولي من ريحة الغالي...
العنود: الله يوفقك بس..
ريم: امين...
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&& &&&&&&&&
اليوم زواج ريم وسليمان المنتظر...الكل يستنى هالزواج الاسطوري...كان مجهز بأفخم التجهيزات..
كان كل شي على شكل عصري قديم..كأنه ايام الروم القدماء..الكراسي غريبه الشكل بزخارفها..وطاولتها بعد غريبه بنقوشها..الجدران كانت الوانها غريبه والروسومات اللي عليها اغرب...
الكوشه وكأنها كرسي ملك الروم من ناحية الحجم والنقوش والزخارف..كل شي يدل على ذاك العصر..ايام الروم..
البنات اتبعوا نفس الاسلوب..فسانتيهم موديل الستينات مع التسريحات..والعروس نفس الشي...
ريم لابسه فستانها الا بيض الكبير..اكمام طويله..ومن عند الكتف كان منتفخ شوي..وبعدين فتحتة الصدر دائريه ومخصر على جسمها بعدين يكبر بالمررره..صحيح غريب لكنه روعه تحفه فنيه...وكأنها اميرات ذاك العصر..ولابسه جونتي دانتيل..ومسويه شعرها "ويف" يناسب ذاك العصر.. والطرحه حقتها نفس الشي من الدانتيل ونازله على وجهها لحد رقبتها..
رغد: بسم الله عليك الرحمن الرحيم...صوره وربي كأنك لوحه لفنان كبير..يمكن اللي راسمك بيكاسوا..
ريم ابتسمت: تسلمين..حتى انتي يا ام كرش...
رغد: والله ضايق صدري..كان ودي البس فستان سنع..
ريم: تهبلين بكل حالاتك..
وجاوا البنات وسلموا عليها وجلسوا عندها...
العنود: رويم..حسبي الله على بليسك غطيتي علينا...
ريم: انا العروس لازم اكون حلوه..
عبير: انتي احلى عروس..
نوف: بسم الله عليك...
شجون: بنت خالتي..حطيني جنبك عشان يقولون تقرب لها...
ريم رفعت خشمها: يا ريبه يحبون يتلزقون في الحلوين..ترى انا ما اعطي احد وجه..
الهنوف: ترى هذي تصدق بسرعه..هيه تراني احلى منك...
ريم: روحي هناك تكفين..
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&& &&&&&&&&
عند الرجال...
سليمان: اقول لك رجولي ما تشيلني ادخل عند الحريم...
تركي: والها النكبه..خلك رجال..تراها خمس دقايق وتطلع...
سليمان: ولو خايف..
تركي: كل الزوجات تدخل وتترقص وش معنى اليوم...
سليمان: اليوم انا معرس وابتزوج ريم قلبي...
مشاري: وش فيه النسيب؟
تركي ينعم صوته: خاااايف..
مشاري: ترى ريم اختي ما خافت كثرك امس ترقص وتستهبل وتطاق العالم حتى ولدي ما سلم منها...
سليمان تفشل: احم...اقول متى الزفه...
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&& &&&&&&&&
جاء وقت الزفه..ريم جاهزه ومستعده..اخذت نفس وفتحوا لها البوابه...تحركت على موسيقى بعد من ذاك العصر..موسيقى صاخبه وفيها دقة رعب..نزلت على نغمتها والعيون عليها..بنت غريبه بفستانها وعجيبه بمكياجها..جذابه بجمالها..وساحره كلها على بعضها..واخير ووصلت للكرسي الفخم وصدق حست نفسها ملكه او اميرة زمانها...
دخل سليمان مناقض جدا لكل شي ..دخل بالزي السعودي النجدي مع البشت..وابو مشاري ومشاري مشعل ومحمد معاهم سيوف ..
كانت اغنيه الزفه العرضه السعوديه النجديه...
جلس سليمان جنبها وهو ينتفض..مسك ايدها وباسها مع جبينها..غمض عيونه..حس انه ما زال يحلم وانه اذا فتح عيونه بيختفي كل هذا..
ريم: الله يبارك فيك..
سليمان فتح عينه...طالع ريم...يعني انا في واقع مو في حلم..
سليمان: ريم....اليوم بس فرحتي كملت...
ريم نزلت عيونها : وانا بعد...
لفوا يطالعون الرجال كيف يعرضون بالسيف...
حضارتين منتاقضه كل النتاقض بس في نفس الوقت متجانسه..
بعدها طلعوا الرجال وبدوا البنات يردحون ويرقصون ويستهبلون...
وطلعوا المعاريس وصورا في غرفه مخصصه للتصوير...وعلى طول توجهوا للمطار راحيين لاسبانيا وتحديدا في سيدني....
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&& &&&&&&&&
الرجوع الى أعلى الصفحة اذهب الى الأسفل
فوفو الدلوعه
عضو ممتاز
عضو ممتاز
فوفو الدلوعه



أحلى صدفة بحياتي((رواية سعودية)).. - صفحة 8 Empty
مُساهمةموضوع: رد: أحلى صدفة بحياتي((رواية سعودية))..   أحلى صدفة بحياتي((رواية سعودية)).. - صفحة 8 Icon_minitimeالأحد أبريل 12, 2009 8:10 am

وليد خطبت له ام ماجد بنت مثل فقلة القمر على ما يقولون..كانت مو حلوه بس الا الحلا كله...الكل يتكلم عن جمالها الرباني..ودلعها الطبيعي وفي نفس الوقت بعيده عن الغرور ومتواضعه...وليد ما طلب يشوفها ولا مره..لا في الخطبه ولا في الملكه ولا اخذ رقمها ولا كلمها ابد...اللي يعرفه ان اسمها ملاك اسم على مسمى...
يوم زواج وليد الكل فرحان ومبسوط اولهم رغد اكثر وحده فرحانه...راح وليد مع زوجته للفندق..حتى الان ما بعد شافها...
ملاك جالسه في صالة السويت مستحيه بفستانها...
وليد ولا عبرها دخل الغرفه وبدل ولبس البيجامه حرير..وجلس في الصاله..وطلب عشا لهم وشغل التلفزيون...
ملاك انصدمت منه..ما كلمها ولا عبرها حتى..
ملاك وقفت: انا رايحه ابدل...
وليد لف ببرود عليها ورجع يطالع اتلفزيون: خذي راحتك..
دخلت ملاك غرفتها وهي خانقها العبره...بس عدتها لسه عروس بدلت ملابسها ولبست فستان ناعم وروعه..مكون من لونين اللؤلؤي والذهبي.. وعدلت تسريحتها بسطيه..ضبطت شكلها وطلعت له...تبيه يطالعها ما شافها لحد الان..
توقعت اذا طلعت بيطالعها لكنها حصلت العكس تحطمت وجلست جنبه..
مرت لحظات صمت بينهم..بعدين وليد قطع هالصمت لف عليها بيتكلم ..الكلام وقف على لسانه..طالع اللي جنبه هذي بشر مستحيل..هذي ملاك...لا جد اسم على مسمى..صار يطالعها ويرمش بعيونه..يبي يستوعب الحلا كله...
ملاك استحت من نظارته: احم...وليد..
وليد صحى ولف وجه عنها: هلا..
ملاك تبي تسولف قالت يمكن خجول او ما يعرف يسولف: مين خواتك...ما عرفتهم..
وليد: بكره ان شالله تعرفينهم..
ملاك: طيب تكلم عنهم..
وليم تنرفز يعني غصب يتكلم صرخ: خلاص بكره تتعرفين عليهم..
ملاك بلعت ريقها ..هذا وال يوم وكذا يعاملها..خنقتها العبره...
وليد رحمها بس ما بين هذا الشعور: معليش ما قدرت اتحكم في اعصابي...
ملاك: لا عادي..
وليد يبي يلطف الجو: الحين العشا بيجي اكيد جوعانه...
ملاك سكتت...جاء العشا وتعشوا وناموا وما كان في بينهم أي حوار يذكر...
بعــــد ايام....في بيت ابو ماجد..
ملاك: ممكن تكلمني...
وليد يضبط نفسه قدام المرايه: ماني فاضي لك..ما تشوفيني ابطلع...
ملاك: طيب ليش تعامليني كذا...
وليد لف عليها وببرود: اجل وشلون تبيني اعاملك..
ملاك: يا حبيبي خف علي شوي..لا تصير جاف...
وليد عناد: انا كذا ..وطبعي كذا...تحمليني..."وطلع"..
ملاك: والله ماهي عيشه.."وصارت تبكي"
بـــأخــر الليل على وجه الفجر....
رجع وليد..دخل غرفته حصل ملاك منسدحه وتبكي...
وليد: يا لليل ...الحين وش فيك تبكين...
ملاك ما ردت عليه...
وليد: والله حره...خلك مثل ما انتي لا تتكلمين...
ملاك عصبت: انت من ايش مخلوق ..من حديد..ما تحس..تراني بشر مو جدار...
وليد: تصدقين توني ادري...اقول لا تقعدين تعورين راسي ترى خلقه مصدع...اخمدي احسن لك..
ملاك قامت بتطلع من الغرفه..
وليد بحزم: على ويـــن؟؟؟
ملاك خافت: ابطلع...
وليد بقسوه: ارجعي مكانك احسن لك...تبين تفضحينا انتي...ملاك تعوذي من ابليس احسن لك...
ملاك خافت منه ورجعت لسريرها وهي تبكي بصمت...
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&& &&&&&&&&
مـــــن بكره...
العصر طلعت ملاك من غرفتها..ونفسيتها تعبانه..ما تدري وش تسوي مع وليد...اللي ماهي عارفه كيف تراضيه..اوكيف تعامله..لا الطيب نفع معاه ولا القوه..وقررت انها تعرف السبب...
نزلت تحت شافت العنود تلعب في الاب توب وتضحك..
ملاك: هااااي...
العنود: هلا والله بمرت اخوي الجديده..
ملاك ابتسمت: لازم التعريف كامل...
العنود: عشان نفرق بينك وبين مرت ماجد اسيل...
ملاك: الا صدق وينها اسيل..
العنود بطفش: في بيت اهلها...
ملاك: وش فيك عليها..
العنود: شايفه نفسها ما ادري على ايش...ما تحب تجلس معانا..بس هين انا لها...
ملاك: لا يكون انا مثلها بعد...
العنود: لا يا قلبي انتي وين وهي وين...
ملاك ابتسمت: عاد اهم شي رضاك..
العنود رزت نفسها: احم احم...ادري...
ملاك بجديه: العنود..
العنود شالت عينها عن اللاب توب وطالعتها: هلا...
ملاك: ممكن اسألك سؤال صريح وتجاوبيني عليه..
العنود: اكيد...
ملاك: قولي والله اقول الصدق..بس عشان اتطمن...
العنود: ولا يهمك..والله..
ملاك وهي تلعب في ايديها متوتره: آآآآ أبسألك عن وليد...وليد وش طبعه يعني وش شخصيته....
العنود: وليد حبوب وطيوب..بس طبعه حاد..يعني ممكن ما تفهمينه على طول..
ملاك: طيب أمانه..بأمانه..هو كان يحب وحده من قبل لا يخطبني...
العنود طيرت عيونها..السؤال مره صعب وجوابه اصعب...صعب تقول لزوجه ان زوجك ما يحبك وما زال متعلق في حب قديم مقطوع الامل فيه..
ملاك: وش فيك سكتي..يعني افهم انه كان فيه..
العنود: والله ما ادري وش اقول لك يا ملاك...
ملاك: اوكي انا فهمت..بس انا اعرفها...
العنود بتردد: ايه...رغد بنت عمي...
ملاك انصدت::رغــــــــــــد.."سكتت شوي"....بس رغد متزوجه..
العنود: وليد حبها بس هي ما حبته..
ملاك دخلت في دوامه من الافكار..واستنتجت ان وليد كان حبه حب فاشل..والدليل زواج رغد من غيره وطريقة معاملته لها..
العنود: ملاك.....ملاك....
ملاك: هــلا..
العنود: بليز ملاك ما تزعلين..وترى السالفه من زمان صايره...ووليد نسها خلاص...
ملاك ابتسمت مجامله: ادري..وليد يحبني..وهذا اللي يأكد لي...
العنود رجعت تطالع اللاب توب بس بالها بعيد..تفكر هل فعلا وليد يحب ملاك..ونسى رغد..

&&&&&&&&&&&&&&&&&&&&&&&&&&&&&&&&&&&&&&&&&&&&&&&&&& &&&&&&&&
بالليل اجتمع الكل في بيت ابو مشاري..
وعند البنات بالتحديد..
رغد سلمت على ملاك: هلا والله وغلا..
ملاك تطالعها وسلمت عليها ببرود: هلا..
رغد استغربت برودها ..بس مشتها..
جلسوا البنات وبدت السوالف والضحكات تعلى...
ملاك تطالع رغد..:"" رغد حلوه وتاخذ العقل..وطيبه وحبوبه..بس اتوقع اني احلى منها..يعني ما فيها زود عني...يمكن بس عيونها العسليه جننته..او غمزاتها اللي ما تبان الا لما تضحك..بس اتوقع ان كل هذا مو كافي انه يتعلق فيها وهي متزوجه...""
رغد: ملاك....وش رايك انتي...
ملاك: هاه..
رغد:لا البنت مو معانا..كنت اقول لك..من احلى بنتي رهف ولا بنت عبوره ريوف...
ملاك طالتعهم : لا كلهم يهبلون..
ريم: لالا عاد بنت اختي احلى..طالعه على امها..
ملاك رجعت تطالع رغد..رغد حست فيها وقربت منها وهمست لها...
رغد بحنان: ملاك حبيبتي فيك شي..تعبانه او تشكين من شي..
ملاك: لالا ما فيني شي...
رغد: احب اقول لك يا بعد عمري اذا احتجتي تتكلمين لاحد او تفضفضين لاحد..تراني موجوده..واحنا بنات ونفهم على بعض ونقدر نساعد بعض...
ملاك وهي رافعه حاجب: انتي متأكده انك تقدرين تساعديني..
رغد تحمست: انتي جربيني وشوفي..
ملاك: انا مشكلتي.....مع.....مع وليد..
رغد استغربت: ولـيـــــــــــــد....!!!
ملاك: ايوه وليد..
رغد والتعجب مالي عيونها: وش فيه؟؟؟
ملاك: والله ماهو لمي..ولا يحبني ولا حتى ما يطالعني من ارضي..ولا يتكلم معاي مثل الناس..ولا يسولف معي مثل العرايس..ولا حسيت اني عروس من اول يوم تزوجته فيه...
رغد: معقوله...
ملاك: هذا اللي صار...
رغد: طيب انتي حاولتي تجذبينه...
ملاك: حاولت بس فشلت..
رغد: شوفي يا قلبي ..عشان تجذبين زوجك لازم تعرفين اللي يميل له ويحبه وتعالي له من ذاك الطريق..
ملاك عقدت حواجبها: يعني مثل ايش..؟
رغد: يعني وليد مثلا يحب الحرمه اللي تفهم عليه على طول..تغرقه بحبها وكرمها..واحساسها..وليد تراه حساس وشاعري..وانتي تعالي له من الناحيه هذي..
ملاك بخبث: مشا الله كل هذا عارفته عن وليد..
رغد ارتبكت بس ما بينت: ولد عمي وعايشه معه نص عمري اكيد بأفهم عليه...
ملاك ابتسمت لها: انا فهمت عليك..بحاول اسوي اللي قلتيه لي واشوف..مشكوره يا قلبي على النصيحه...صدقيني كنت محتاره وماني عارفه وش اسوي...
رغد ابتسمت: ولو يا ملاك..واذا احتجتي أي شي تذكري دايم ان اختك رغد موجوده..
ملاك: تسلمين..
عبير: وش تقولين لمرت اخوي..لا تخربينها...
رغد: اقول وين اسيل ما جات معاكم...
العنود رافعه خشمها ورزاه صدرها تقلد اسيل: واله انا رايحه بيت اهلي مسوين بارتي...
الكل ضحك عليها لانها عرفت تقلدها..
عبير: الله يعينك بس عليها..
العنود: والله ودي اقوم واكفخها بس اسكت والله عشان ماجد اخوي..
نوف: اجل نفس اللي عندي...ندى اخت نواف..
ريم: مازالت شايفه نفسها ام خشه مايله..
نوف: تغار مني بشكل مو طبيعي تقلدني في كل شي...تشتري نفس اللبس اللي البسه وتتبلى علي وتقول لي لا تقلديني....
فجر: الله يلوع كبدها الماسخه..
ريم: احقريها..
نوف: والله متحملتها..بس استناها تتزوج وافتك منها..
ريم:تكفين من اللي داعي عليه امه عشان ياخذها...
نوف: في هذي صدقتي..والمشكله تتشرط من زين الوجه..
العنود: بعد..والله حاله...
نوف: ما شفتوا شي...طلبات غريبه عجيبه وموصفات زوجها اغرب..يعني شروط تعجيزيه..
مها: لا بالله رحتي فيها...
نوف: الله يكون في عوني ويصبرني بس...
الكل: امين..
& &&&&&&&&&&&&&&&&&&&&&&&&&&&&&&&&&&&&&&&&&&&&&&&&&&
الرجوع الى أعلى الصفحة اذهب الى الأسفل
فوفو الدلوعه
عضو ممتاز
عضو ممتاز
فوفو الدلوعه



أحلى صدفة بحياتي((رواية سعودية)).. - صفحة 8 Empty
مُساهمةموضوع: رد: أحلى صدفة بحياتي((رواية سعودية))..   أحلى صدفة بحياتي((رواية سعودية)).. - صفحة 8 Icon_minitimeالأحد أبريل 12, 2009 8:12 am

[size=18]&&&&&&&&
رجع الكل على بيته وفي غرفة وليد بالتحديد..
ملاك وهي تمشط شعرها على التسريحه..: تصدق ياوليد ارتحت للبنات بالمره..
وليد وهو منسدح وساند ظهره على ظهر السرير: ايوه زين..
ملاك بقصد: وبصراحه ارتحت لبنت عمك رغد..
وليد وهو يشرب مويه بعد البندول شرق فيها: كح كح..ايوه رغد..
ملاك راحت وجلست جنبه: بصراحه هالبنت مره حبوبه..
وليد يصرف: ايه..ايه..يله ما ودك تنامين..
ملاك بدلع: من عيوني يا بعد عمري انت..
وقربت من وليد بالمره..ومسكت ايده وحطت راسها على صدره اللي بدون قميص..
ملاك: احس ان الناس تحسدني عليك...
وليد ارتبك من قربها..هو ما قد قرب منها...
وليد: لا...انا اللي تحسدني الناس عليك...
ملاك رفعت راسها تطالعه: وليد تحبني مثل ما انا احبك..
وليد بلع ريقه وسحب ايده: ايوه..يله نامي...ترى بكره وراي دوام..
وعطاها ظهره..
ملاك انسدحت وهي حاطه في بالها انها راح تنسيه رغد..وابو رغد بعد...
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&& &&&&&&&&
اليــــــوم اللي بعده..
رجع وليد من الدوام..تعبان وهلكان..دخل غرفته حصلها..متغيره..كل شي احمر...فرش السرير احمر..في كل مكان ورد احمر..الانوار حمراء..وريحة الورد ماليه المكان..طلت عليه ملاك بأبتسامه حلوه ومرحه: حبيبي انت جيت...
وليد ابتسم غصب عنه جمالها ما يرحم: ايوه جيت..
راحت ملاك واخذت شماغه منه وعلقته واخذت ثوبه وعلقتهم..
جلس وليد بيفسخ جزمته..جات ملاك وجلست عند رجوله وفسخت جزمته"الله يكرمكم.."

ملاك: كيف الشغل اليوم..
وليد ما استوعب حركتها:لا..تمام الحمد لله...
ملاك: اكيد يا قلبي تعبان يا بعدي والله..مجهزه لك حمام يحبه قلبك..
وسحبته من ايده..
ملاك: يله تروش وارتاح..عشان نتغدا انا وياك..
وليد سوى اللي قالته له ملاك بدون نقاش او حتى كلمه..
طلع وليد وهو ينشف شعره وجلس على الكرسي قبال التسريحه..جات ملاك واخذت المنشفه وصارت تنشف شعره..وصار شعره الاسود على وجهه ..ملاك تطالعه من المرايه: تصدق شكلك كذا يجنن...
وليد ابتسم لها: تسلمين عيونك الحلوه...
ملاك فرحت انه قال كلمتين على بعض: الله يسلمك..يله قوم خلينا نتغدا..ترى انا اللي مسويه الغدا بنفسي..
وليد مستغرب: صدق!!..تعرفين تطبخين..
ملاك: هو انا ما اعرف بس عشانك تعلمت ولما ضبطته مره..بأخليك تذوقه..
وليد تحمس لها: اوكيه..نشوف يا شيف ملاك..
ملاك قرصت خشمه: اكيد بيعجبك...
وليد نزل معاها وهو مبهور منها...اليوم وامس حركاتها غير...صايره جريئه بزياده..تسوي الاشياء اللي مفروض هو يسويها لها...
ملاك فتحت غرفة الطعام: تراااااا..وش رايك..
وليد يطالع طاولة الطعام اللي مليانه شموع حمرا..واكلات واصناف متنوعه..ومرتبه بشكل انيق..
وليد طالعها: مشا اله كل هذا انتي مسويته..
ملاك: ا نشا الله يعجبك..
وليد: اكيد بيعجبني..
ملاك حست انها بدت تحقق كم خطوه من هدفها: اوكيه الحين ذوق الاكل وعطيني رايك..
جلس وليد وجلست معاه ملاك..وحطت له من كل شي وحطته قدامه..اخذ وليد الشوكه وصار يذوق ويثني على كل طبق..وملاك الابتسامه ما فارقتها ابــــد..
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&& &&&&&&&&
بعد ايام...كانت حياة وليد كل يوم احلى الثاني..والفضل بعد الله يرجع لملاك..حس انه بدا يطلع من السواد والظلام اللي عايشه وماشي عليه من ثلاث سنين..من لما قرر يغير طريقة حياته..ملاك كل يوم تحببه فيها اكثر..من اهتمامها..من رعايتها..خوفها عليه..حرصها عليه..كل يوم شي جديد..كل يوم روح جديده...بدا يتغير معاها..مو كثير لكن احسن من اول بكثير..ملاك حست انها حققت نص هدفها لكن ما وصلت للنهايه..والنهايه انه يحبها حب حقيقي وينسى حبه الماضي....
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&& &&&&&&&&
نروح لماجد وزجته اسيل..ناخذ موقف من حياتهم اليوميه واللي دايم مثله يتكرر...
اسيل: بصراحه اهلك مره مو شي...
ماجد: وش تقصدين..
اسيل: هذي العنود..مره...مره أي شي...
ماجد وهو كاره حياته: اسيل ترى هذي اللي تتكلمين عنها اختي...
اسيل: ادري انها اختك..اعوذ بالله غثه...من تشوفني تحب تنرفزني تطلعني من طوري..
ماجد: العنود اكبر من كذا..
اسيل: يعني انا كذابه..
ماجد: ما قلت شي انا...
اسيل: احمد ربك اني متحمله العيشه مع اهلك..
ماجد: انسي اني اطلع من بيت ابوي...
اسيل: ليه...يا روح ماما..ما تقدر تفارقها...
ماجد: اسيل عدلي اسلوبك احسن لك..
اسيل اخذت عبايتها: اوكي لا تعصب انا طالعه...
ماجد: على وين؟؟؟
اسيل: بروح لوحده من صاحباتي عازمتني...
ماجد: ما فيه طلعه..
اسيل: مو بكيفك..
ماجد: اسيل ترى ان تعديتي الباب بخطوه ما تلومين الا نفسك..
اسيل: قلت لك مو على كيفك..
وطلعت..
لحقها ماجد ومسكها ولفها عليه وعطاها كف..افزع صمت الجدران...
اسيل مسكت خدها ودموعها في عيونها: تضربني..انا ابوي ما تجرا يضربني....
ماجد منفعل: عشان كذا ما تربيتي..واذا تبين تطلعين روحي بيت اهلك مره وحده...
اسيل: اوكيه..انا رايحه لبيت اهلي.."وقفت عند الدرج"..يا روح ماما...
ونزلت الدرج بسرعه..
ماجد خلاص تعب من هالمسلسل اللي كل يوم يعيد نفسه..كل يوم يتهاوشون على شي..وكل ما حاول يرضيها ما يعجبها شي..وانقلبت حياة ماجد الى جحيم مستمر..
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&& &&&&&&&&
في مكان ثاني...
رغد لابسه وكاشخه ومتعدله..وتحط اللمسات الاخيره..
دخل تركي ..وطالعها..
تركي بأبتسامه: مشا الله وش هالكشخه والاناقه..وش عندك؟؟.. اكيد اليوم ذكرى زواجنا...ولا يوم ميلادك..
رغد مفتشله: ههه لا هذا ولا ذاك..
تركي بخبث: اجل كاشخه لي..يا حبي لك والله..
رغد ما تبي تفشله: ليه انا ما قلت لك اني بطلع..الهنوف عازمتني..
تركي بنفجر: بعــــــــد الهنوف...محد قال لك من قبل اني زوجك...يا اختي محد قال لك...اني مسؤل منك..كل يوم ناطه عندها وشوله...
رغد: بس بس لا تصارخ..وش فيك يا قلبي..انا بروح ازور امي وفي نفس الوقت اقعد عند الهنوف اوسع صدري...
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&& &&&&&&&&
الهنوف في المطبخ وتصلح وتضبط..
دخل مشاري: الله....ريحة كيك..
الهوف بأبتسامه: ايوه كيك..
مشاري شاف الكيكه: يا قلبي يا هنوفه...من قال لك اني احب هالكيكه..
الهنوف ما تدري وش السالفه: هـ هـ هـ
مشاري: ليه تعبتي نفسك عشاني ..بس اكيد لذيذه لانها كيكة هنوفة قلبي..
الهنوف: اكيد...بس......بس هذي مو...لك..
مشاري وجه صار احمرررررر: اكيــــــــــــــــــــــــد رغيـــــــــــــــــد..
الهنوف خافت يعصب: مشاري لحظه..اصبر..خلني افهمك السالفه..
مشاري: رغد...رغـــــــــد..خليها تجي ..بأذبحها وافتك منهااااااا للأبد..
الهنوف: مشاري وش فيك..خلاص ولا يهمك اصلح لك بكره احلى منها..
مشاري طلع وهو يتحلطم: انا بتصل على زوجها يضفها بعيد عنا..
size]
الرجوع الى أعلى الصفحة اذهب الى الأسفل
فوفو الدلوعه
عضو ممتاز
عضو ممتاز
فوفو الدلوعه



أحلى صدفة بحياتي((رواية سعودية)).. - صفحة 8 Empty
مُساهمةموضوع: رد: أحلى صدفة بحياتي((رواية سعودية))..   أحلى صدفة بحياتي((رواية سعودية)).. - صفحة 8 Icon_minitimeالأحد أبريل 12, 2009 8:13 am

&&&&&&&&&&&&&&&&&&&&&&&&&&&&&&&&&&&&&&&&&&&&&&&&&& &&&&&&&&

في بيت ثاني وفي جو ثاني وعالم ثاني...
ريم: انا اقول لك الجوري..
سليمان: وانا اقول لك نوره على جدتي..
ريم: وانا وش علي من جدتك..حرام عليك من الجوري الى نوره..يا اخي حس شوي...
سليمان: حرام عليك كانت جدتي الله يرحمها تحبني..
ريم: الله يرحمها...بس اسمي بنتي نوره انسى...
سليمان: طيب خلي البنت على جنب افرضي..حملتي وجبتي ولد وش نسميه...
ريم: نسميه....امممممممم سطام..
سليمان: لالالا انا ما اوفقك ..بأسميه على عم ابوي دحيم..
ريم: شكلي ما راح احمل طول عمري..
سليمان: ليش؟؟
ريم: وش فيك انت وش فيك...ما عندك شي اسمه ذوق..ولا ما بعد تعرفت عليه..
سليمان: دحيم وش فيه..كان عم ابوي هذا..هو اللي سماني سليمان الله يرحمه..
ريم: سليمان حلو عنده ذوق..بس دحيم هذا وشلون اسمي ولدي عليه..يا اخي حس ولدي بيتعقد بسبة اسمه..
سليمان: طيب اوكيه خلي الولد على جنب..
ريم: اذا مو بنت ولا ولد وش بيطلع شي ثالث...
سليمان: صح نسيت...
ريم: ياربي هالرجال ما ادري وش اسوي فيه..وين خالتي انا بروح لخالتي ارحم لي..
"وقامت".....
سليمان: دحيم ...وش فيه دحيم حلو ولا ودلع بعد..خليني اروح اقنعها....
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&& &&&&&&&&
بعــــــــــد سنتين..
راح اتكلم عن كل بطل من ابطالنا..
فجر +فيصل...فجر جابت ولد وسمته رائد..وحياتهم كلها حب في حب..والناتج اكيد سعاده ابديه مع الاستقرار...
مشاري+ الهنوف..جابت الهنوف بعد فارس بنوته حلوه تشبه مشاري واسمها غدير نسبه من اسم رغد..وعايشين حياتهم تمام التمام..<<الله لايغير عليهم..
ماجد+اسيل...ماجد ما تحمل اكثر اسيل وحركاتها وارسل لها ورقة طلاقها..وامه تحن عليه يتزوج بس هو شايل الفكره من راسه...بس اكيد ام ماجد ما راح تخليه...
فواز+بدور....عايشين حياة طبيعيه ويتخللها الحب...وبدور جابت ولد وسمته ضاري...
طلال+عبير...عايشين حياتهم سمنه على عسل..مبسوطين بس عبير ما حملت..
رغد+تركي... مافي مثلهم عايشين الحب بالطول والعرض ورغد جابت مع رهف ولد وسمته عبد العزيز على ابوها..
نوف +نواف...ولدت نوف وجابت توم<<ما ادري وشلون جابتهم..
بنتين مثل القمر يهبلون على امهم..وسمت الاولى يارا والثانيه لارا...
شجون+زوجها مهند ...حملت شجون ومازالت دلوعه وما تغيرت عن اول..
مها+ زوجها راشد....مسكينه مها خايفه ان يكون فيها شي لانها لسه ما حملت وهذا الشي مسوي اضطراب في زواجها..
وليد+ملاك....وليد حب ملاك حب عظيم..حس معاها بمعنى الحياة الحقيقه..يعيش كل يوم معاها قصة حب جديده..ملاك قدرت توصل لهدفها بعد ما تعبت كثير مع وليد وكل هذا بفضل الله ثم بفضل رغد وفكرتها..قدرت ملاك تنسي وليد رغد عن طريق رغد نفسها""سبحان الله"..
ريم+سليمان...طيور الكناري او طيور الحب ..مازالوا هايمين في الحب وطايرين فيه وعايشين حياتهم على البساطه بدون مبالغه في أي شي..حياتهم حلوه وبسيطه بدون التعقيد اللي يخلي الحياة حجيم..ووحملت ريوم وجابت ولد وسمته اكيد دحيم لالا امزح سمته سطام...
العنود....فتحوا لها اعمامها شركه نسائيه فرع لشركتهم الاساس..وصارت العنود مديرة هالشركه..كرست حياتها لتثبت للكل انها قد المسؤليه..وصارت حياتها للشغل وللشركه...وفعلا اثبتت وجودها..وصارت تنافس شركات رجاليه لها صيتها..طبعا محد قدر يفتح قلبها مره ثانيه...بس الله العالم في المستقبل وش ممكن يصير..
مشعل +لين... اكيد حلم الطفوله لازم يتحقق والوعد اللي كان بينهم لازم يوفى..مشعل خطب لين بعد ما تخرجت من الثانويه على طول..والحين عايشين ايام الخطوبه مثل روميو وجولييت ..لين مبسوطه بالمره انها في النهايه من نصيب حبيبها منذ الصغر مشعل..ومشعل نفس الشي...
محمد...دخل العسكريه وصار ضابط كبير..وقرر انه يتزوج بس ما زال يبحث عن وحده تحبه حب كبير مثل حب لين لمشعل...
سعود...تزوج اخت نواف ندى..وقدر يغيرها مع فرق العمر اللي بينهم .. بس هذا ما شكل عائق في حياتهم...وتغيرت وكمل حياته والحين عنده ولد واحد...
فهد...كبر وصار رجال وبالنسبه لامه وابوه ماتغيروا..بس هو الوحيد اللي تغير وعاش حياته وسافر برى المملكه يكمل دراسته وياخذ شهاده ترفع راسه ويرجع دكتور لوطنه..
ابو الهنوف...من بعد رجعته الاخيره للرياض وخطبة الهنوف وزواجها صحاه من اللي كان فيه..وحن لعياله ولام اعياله..وقرر يعيد نفسه من اول وجديد عسى يقدر يلحق يعوضهم ربع اللي راح..ويقدر يرضي ضميره...
الامهات...مازالوا انفسهم ما تغيروا بس طلع لهم كم شيبه في روسهم ومازلت كلمتهم احنا لسه شباب..
الابوان.... زاد الشيب اكثر واكثر وما تغيروا هم نفسهم يبقون الشياب...
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&& &&&&&&&&[/
الرجوع الى أعلى الصفحة اذهب الى الأسفل
فوفو الدلوعه
عضو ممتاز
عضو ممتاز
فوفو الدلوعه



أحلى صدفة بحياتي((رواية سعودية)).. - صفحة 8 Empty
مُساهمةموضوع: رد: أحلى صدفة بحياتي((رواية سعودية))..   أحلى صدفة بحياتي((رواية سعودية)).. - صفحة 8 Icon_minitimeالأحد أبريل 12, 2009 8:16 am

خلف الكواليــــــس...
احب اتكلم عن الشخصيات الحقيقه...
سليمان شخصيه حقيقه والمواصفات اللي قلته عنه موجوده فيه...بس انا ما اعرفه معرفه شخصيه بس شفت صورته...
محمد حقيقه اخو سليمان وهو فعلا صديق اخوي الصغير واصغر منه بسنه...
تركي شخصيه حقيقه بس اسمه مو تركي.. وهو فعلا نفس المواصفات اللي ذكرته عنه(اتكلم عن عن مواصفات اشكالهم مو اخلاقهم وطبايعهم) وحقيقه هو صديق سليمان...
ودي انزل صورهم بس ما املك أي صلاحيه بأني انزلها ..عشان تنهبلون عليهم فعلا....<<مثلي<<<<هبله..
وباقي الشخصيات كلها خياليه..
واحب انسب كل القصايد لي اصحابها وما انسب أي وحده لي الا كم بيت انا كاتبتهم..<<وبصعوبه طلعوا..
بديت الروايه هذي من الاجازه الصيفيه في شهر(6)..وخلصتها في اجازه الحج شهر(12)..واللي اخرني كل هالوقت الدراسه....
وايش اكمااااااان....
وبصراحه انا أؤمن بالصدف بالمره..اول صدفه هي كيف كتبت هذي الروايه..الله يحلي اصدافكم قولوا امين...
$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$ $$$$$$$$$$$$$$$$$$$$$$$$$$$$$$$$$$$$$$$$$$
اوه لقد فرغ قلمي..وبنهاية حبري تنتهي روايتي..كتبت لكم..اجمل كلامتي..وفرغت كل مافي مخيلتي..اخبرتكم اني كنت شتات..ولكن لابد لي ان الملم شتاتي..وها انا على اخر خطواتي..اجمع ما تبقى مني..واحمل رايتي مودعه..اهاتي ومتهاتي..نعم لم ابقى شتات ولن ابقى..حبكم بعث في قلبي الامل..وعطركم انعش روحي بالتفاؤل..وجودكم ارسم على شفاهي البسمه..ولساني عاجز عن العمل..لشكركم ولتحيتكم احلى التحيات..فا انتم تستحقون اكثر من ذلك..الكلام في حقكم لا يكفي والحروف والجمل تقف عاجزه امامكم ...فلم اجد اجمل من جمله استطيع ان اهديها لكم...
{انتـــــــــــم احـــــــــــــــــــــــــــلى صدفــــــــه بحياتي}
احب ان اشكر شكر خاص لكل من دعمني من عائلتي..واصدقاء الدنيا..فا ها انا اقف لكم لي ألقي لكم تحيه..تحيه خاصه تعبر عن مافي وجداني...
لا استطيع ان اقول وداعا بل الى لقاء اخر في روايه جديده..بعنوان..
{الا ليـــــــــت القــــــــــــــــدر..}
على امل ان تكون في مستوى هذي الروايه والى الافضل..واودعكم الله الذي لا تضيع ودائعه..وان يمحوا عني وعنكم الزلات والخطايا وان يجمعنا تحت رحمته.....
اختكم....بقايا شتات.....


النهــــــــــــــــــــــــــــــــــــــــــــــ ـــــــــــــــــــايه....
الرجوع الى أعلى الصفحة اذهب الى الأسفل
فوفو الدلوعه
عضو ممتاز
عضو ممتاز
فوفو الدلوعه



أحلى صدفة بحياتي((رواية سعودية)).. - صفحة 8 Empty
مُساهمةموضوع: رد: أحلى صدفة بحياتي((رواية سعودية))..   أحلى صدفة بحياتي((رواية سعودية)).. - صفحة 8 Icon_minitimeالأحد أبريل 12, 2009 8:19 am

' طبعا خلف الكواليس الكاتبه هي الي كاتبة حبيت انزله لكم


وتقول لكم همس لاتحرمونها من ردودكم الحلوووووه أحلى صدفة بحياتي((رواية سعودية)).. - صفحة 8 407542 أحلى صدفة بحياتي((رواية سعودية)).. - صفحة 8 407542
أحلى صدفة بحياتي((رواية سعودية)).. - صفحة 8 667226
الرجوع الى أعلى الصفحة اذهب الى الأسفل
أمــيــربأخــلاقــي
مشرف قسم بـــــــــيت القصـــــــــــــــيد
مشرف قسم بـــــــــيت القصـــــــــــــــيد
أمــيــربأخــلاقــي



أحلى صدفة بحياتي((رواية سعودية)).. - صفحة 8 Empty
مُساهمةموضوع: رد: أحلى صدفة بحياتي((رواية سعودية))..   أحلى صدفة بحياتي((رواية سعودية)).. - صفحة 8 Icon_minitimeالأحد أبريل 12, 2009 8:30 am

نهايه حلوة
يعطيك العافيه اختي همس الوجدان على المجهود
الرجوع الى أعلى الصفحة اذهب الى الأسفل
يستاهل البرد من ضيع جفاه
عضو ممتاز
عضو ممتاز
يستاهل البرد من ضيع جفاه



أحلى صدفة بحياتي((رواية سعودية)).. - صفحة 8 Empty
مُساهمةموضوع: رد: أحلى صدفة بحياتي((رواية سعودية))..   أحلى صدفة بحياتي((رواية سعودية)).. - صفحة 8 Icon_minitimeالجمعة مايو 08, 2009 3:12 am

يسللللللللللللللمو على الرواييييييييييييي ةالحلوة خقق عذاي تهبللللللللللللللل
اخ اخ تهبلللللللللللللل الروايية
بس ياليت كلهم حقيقين بذات ريم ورغد والعنود والهنوف
اعجبتني مررررررررة
واخيرا انتهيييييييت
الرجوع الى أعلى الصفحة اذهب الى الأسفل
خواطر مكسوره
عضو ممتاز
عضو ممتاز
خواطر مكسوره



أحلى صدفة بحياتي((رواية سعودية)).. - صفحة 8 Empty
مُساهمةموضوع: رد: أحلى صدفة بحياتي((رواية سعودية))..   أحلى صدفة بحياتي((رواية سعودية)).. - صفحة 8 Icon_minitimeالسبت مايو 09, 2009 2:53 pm



يااااااااااااااااااااااااااااااااااااااي

جونااااااااااااااااااااااااااااااااان أحلى صدفة بحياتي((رواية سعودية)).. - صفحة 8 180331


كتير كتير كتـــــــــــــــــــــــــــــير


وربي تهبل الواحد تسلميلي خيتوووووووو


همووووسه دووووووووم مبدعه واخت همووسه بعد تسلمي أحلى صدفة بحياتي((رواية سعودية)).. - صفحة 8 306659







تقبلوووووا تحياااااااااااااااااااااااتي
الرجوع الى أعلى الصفحة اذهب الى الأسفل
 
أحلى صدفة بحياتي((رواية سعودية))..
الرجوع الى أعلى الصفحة 
صفحة 8 من اصل 8انتقل الى الصفحة : الصفحة السابقة  1, 2, 3, 4, 5, 6, 7, 8
 مواضيع مماثلة
-
» رواية لبي قلبك روايه سعوديه روعه
» أحلى قصيدة سمعتها وقريتها

صلاحيات هذا المنتدى:لاتستطيع الرد على المواضيع في هذا المنتدى
منتدى لبيــــــــــــــــــه ياقلـــــــبي :: قسم القصص والروايات-
انتقل الى: