منتدى لبيــــــــــــــــــه ياقلـــــــبي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى لبيــــــــــــــــــه ياقلـــــــبي

عز الورود.. وطال فيك أوام ........وأرقت وحدي..والأنام نيام يامنتدى لــــبيه
 
الرئيسيةأحدث الصورالتسجيلدخول

 

 كلمات شعر لحامد زيد تجنن

اذهب الى الأسفل 
2 مشترك
كاتب الموضوعرسالة
أمــيــربأخــلاقــي
مشرف قسم بـــــــــيت القصـــــــــــــــيد
مشرف قسم بـــــــــيت القصـــــــــــــــيد
أمــيــربأخــلاقــي



كلمات شعر لحامد زيد تجنن Empty
مُساهمةموضوع: كلمات شعر لحامد زيد تجنن   كلمات شعر لحامد زيد تجنن Icon_minitimeالثلاثاء مارس 03, 2009 5:52 am

السلام عليكم ورحمة الله بركاتة

طبعا معروف حامد زيد انة من كبار الشعراء واكثرهم شعبية وانا جبت له شعر والصراحة اكثر شعر عجبني وهذي كلماتة




حامد زيد-غرام أحباب





========================
على ذاك الطريق اللي يسمونه غرام أحباب
وطت رجلي على دربه ولاأدري وش نوى فيني

تبعته لآخر دروبه .. ألين أن القمر قد غاب
تعب قلبي ، ولا تعبت مسافاتٍ توديني

لقيت الليلة الجردا : هدب ظل وسما واعشاب
بعد ذاك الظلام اللي يتوهني عناويني

صدفتك معجبه فيني وياليت..الغرام : اعجاب
وتراك انتي الهنوف اللي هقيتك تستحقيني

عطيتك عشق من قلبي..وسلمت لغلاك رقاب
وغيرك يحترق قلبه ولا يقدر يحاكيني

أنا قبلك صدفت عيون لكن ويش جاب لجاب؟
ترى كل العيون اللي لقتني ما تكفيني

رماني حظي العاثر عليك وجيت لك طلاب
ولا أنتي اللي عشقتيني ولا انتي اللي عتقتيني

تعالي واعتقي ذاك الخفوق المولع المرتاب
مهب لاجلي ، عشان الله يجازيك ويجازيني

تعدي في سما عشقي ولو عشقي خراب أصحاب
وصوني بالهوى نفسك قبل لا انتي تصونيني

وشيليني على متنك : خفوقٍ باريٍ منصاب
ومن فوق الغرام العذب .. شيليني وحطيني

ولا منك هقيتيني شجاع وما يطيق يهاب
أنا لك بالهوى والله مثل ما انتي هقيتيني

أنا ما أمشي ورا غيرك ولو أنه يطق الباب
وترى عيبٍ عليّ أطعن..ولو كثرت سكاكيني

زهودٍ ما يطيق الدم لا داين ولا طلاب
شجاع وعارفٍ نفسي وأظن أنك تعرفيني

غيورٍ ماعرفت أضحك مع الغدر ببّرود أعصاب
أبيع عيوني الثنتين قبل أنك تخونيني

إذا شد الغرام .. اترك خفوقي : بين ناب وناب
لفرقى تكسر ضلوعي .. ولا عشقٍ يوطّيني

أنا رجلٍ ولي غيره .. وإذا شفت الهوى كذاب
تثور بقلبي الفزعه ولا تهدى شياطيني

سؤالك لو يزعزع بي كياني ما قبلت عتاب
اجي لك وأسالك نفس السؤال اللي سألتيني

عن العشق القديم أبواب .. تقفيها كثير أبواب
بعد ذاك الحبيب اللي خدعني وانخدع فيني

أبي عشق تحسب له كل نظرات العيون حساب
وابي قلبٍ علي قلبي ، وابى دينٍ على ديني

وابي نظرة عطا توفي ولا تخلف بدون أسباب
وابي منك قبل لا نتي تصديني .. توديني

وابي دربٍ على العذال صعبٍ ومتعبٍ وغلاب
وابي نفس الطريق الصعب يبعدهم ويدنيني

ترى لو للقلوب عيون ولدموع العيون أهداب
حشى ما تنزل الدمعه لغيرك لو تركتيني

أنا أول من عرف قدرك وأنا توي صغير وشاب
وابي منك ما دام أنك عرفتيني تحبيني

ما دام أني لقيتك في طريق أسمه غرام أحباب
دخيل الله ، وبعد الله دخيلك .. لا تخليني

ما دام أن كل من يحيا على وجه التراب تراب
عسى تنساني الدنيا مادام أنتي ذكرتيني
الرجوع الى أعلى الصفحة اذهب الى الأسفل
همــس الــوجدان
مديره
مديره
همــس الــوجدان



كلمات شعر لحامد زيد تجنن Empty
مُساهمةموضوع: رد: كلمات شعر لحامد زيد تجنن   كلمات شعر لحامد زيد تجنن Icon_minitimeالثلاثاء مارس 03, 2009 6:36 am

وش هالابيات الروعه


صراحه تسلم على هالذووووق الحلووو





تحياتي
الرجوع الى أعلى الصفحة اذهب الى الأسفل
 
كلمات شعر لحامد زيد تجنن
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى لبيــــــــــــــــــه ياقلـــــــبي :: بـــــــــيت القصـــــــــــــــيد-
انتقل الى: