يمه ويني ؟؟

عضو ممتاز

كل ماطار الفراش أعرف إن أمي طفت

يمه ويني ؟؟

يمه .. يمه.. ويني ..؟؟؟!!!!
نامت سنيني علي تلتحف من برد عمري
مامعي إلا عيونك .. تقطر الدمعه في بالي
تطفي البرد ويجيني زولك بداخل عيوني
أحضن عيوني وأنام
تهزهزي البرواز أدري
صح يمه ؟؟
مثل ماكنت اتهزهز باغنياتك
يمه نامي نمشط الصوره عيونك
تشعلي دمك تدفي الغرفه من بحات صوتي
مجدله شيبك تقولي آآآآآه يانذر نذرته
تفتحين كروت عرس وترسمين بشوت عرسي
ألبس الاسود في بالك
ألبس البني في بالك
ألبس الابيض ترفضين
الكفن يطري في بالك
صح يمه ..؟؟
يمه أدري همك هو وجودي
هو زواجي
تشوفي عيالي وتموتي
تغربيني لالمحتي شروق ربعي
تلملميني من زوايا البيت حتى
تتجه للقبله روحك
تلتقي وياها روحي
بكل صلاه
واعرف انك بآخر ايام الضوى
غافي فيك الفراش
كل ماطار الفراش اعرف ان امي طفت
ضايقه من التنك يُمه ..؟؟!
ايه انا ادري ضايقه من التنك يمه
كحتك كنها بصدري
آه لو اني عنك شلته في ضلوعي
وجيت اسيل
صدق تعالي
موعدك عند الطبيب
اذكر إني مسجله في شهر تسعه
رحتي يمه ولا طاف ؟؟
لايطوووف
أدري ماعندك يايمه
غيري أحد ياخذ الكرت ويجدد كل مواعيد الطبيب
يمه نامي ..
يمه ..
يمه نامي

مديره

يسلموو حياتي على القصيده

رائعه وشكرا لكي للنقل المميز

والله يحفظ كل الامهات

تقبلي مروري